Մարտի  25-ին  Երևանի “Սարգիս  Մուրադյան”  ցուցասրահում  տեղի   ունեցավ   Pan  Media  լրատվական   ընկերության   և Հայաստանում   ԱՄՆ   դեսպանատան  նախաձեռնած   «spotlight.am  քաղաքացիական   ֆոտոլրագրության  անկախ   հարթակ»  նախագծի  առաջին  փուլի  ամփոփիչ   ցուցահանդեսը։

Ֆոտոցուցահանդեսի   բացմանը ներկայացվեցին հարթակում  լավագույն  10  մարզային  ֆոտոպատմությունները,  որոնց  լուսաբանողները   մարզերի   բնակիչներն են:

Այս   անգամ  ընտրվել  էին  Տավուշի  և   Շիրակի  մարզերը։ Հարթակի   յուրաքանչյուր  օգտատեր  ֆոտոլրագրող  է,  որը   լուսաբանում  է   իր   բնակավայրում  տիրող   խնդիրների  և կատարվող   իրադարձություների  մասին՝   լուսանկարներ  հրապարակելով։

«Հայաստանում   մեդիադաշտը    հիմնականում  կենտրոնացած   է  մայրաքաղաքի   վրա  և   լուսաբանում  է  տեղի   իրադարձությունները։  Լրագրողները   չեն   հասնում  մարզեր   և   hաճախակի   ԶԼՄ-ներն   իրենք   չեն  կարողանում  լրագրողներին   մարզ   ուղարկել,   քանի   որ  մարդկային  ռեսուրսի   բացակայության  մեծ   խնդիր   ունեն»- նշեց  Pan Media-ի   լրատվական   ընկերության   մարքետինգի   և  հաղորդակցության   ղեկավար  Գայանե   Իգիթյանը:

Դիանա Հարությունյան