добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ՌԻԳԱՅԻ ԳԱԳԱԹՆԱԺՈՂՈՎԸ ՀԻԱՍԹԱՓԵՑՐԵՑ ՎՐԱՍՏԱՆԻՆ ԵՎ ՈՒԿՐԱԻՆԱՅԻՆ, ԶԱՅՐԱՑՐԵՑ ԱԴՐԲԵՋԱՆԻՆ, ՆՈՐՄԱԼ ԷՐ ՀԱՅԱՍՏԱՆԻ ՀԱՄԱՐ
Մայիսի 22-ի առավոտյան Լատվիայի մայրաքաղաքում բացվեց Եվրամիության Արևելյան գործընկերության գագաթնաժողովը, որին մասնակցում է նաև Հայաստանի նախագահ Սերժ Սարգսյանը:

Վաղ առավոտյան արդեն այստեղ էին Եվրամիության անդամ երկրների ղեկավարները, այդ թվում առաջատար երկրների ղեկավարներ՝ Գերմանիայի կանցլեր Անգելա Մերկելը, Մեծ Բրիտանիայի վարչապետ Դեյվիդ Քեմերոնը, Ֆրանսիայի նախագահ Ֆրանսուա Օլանդը, Եվրամիության տարբեր կառույցների ղեկավարներ՝ ԵՄ-ի արտաքին քաղաքականության և անվտանգության հարցերով հանձնակատար Ֆեդերիկա Մոգերինին, Եվրամիության խորհրդի նախագահ Դոնալդ Տուսկը, հարևանության և ընդարձակման հարցերով հանձնակատար Յոհանես Հանը, Եվրախորհրդարանի նախագահ Մարտին Շուլցը և այլոք:

«Ազատություն» ռադիոկայանի հաղորդմամբ, պետությունների ղեկավարները հերթով գալիս էին, նրանց մուտքի մոտ ողջունում էին Եվրամիության երկու բարձրաստիճան պաշտոնյաներ՝ Ժան-Կլոդ Յունկերը և Դոնալդ Տուսկը, ինչպես նաև Լատվիայի վարչապետ Լայմդոտա Ստրաույուման: Նախագահները, վարչապետները, արտգործնախարարները կանգ էին առնում, լուսանկարվում նրանց հետ, հետո գնում նիստերի դահլիճ:

Առաջինը եկավ Ադրբեջանի արտգործնախարար Էլմար Մամեդյարովը:

Պաշտոնյաներից ոմանք կանգնում էին լրագրողների մոտ, պատասխանում էին մի քանի հարցի:

Հայտնի դարձավ, որ փակ դիվանագիտական դռների հետևում լուրջ քննարկումներ էին ընթանում գագաթնաժողովի եզրափակիչ փաստաթղթի տեքստի մի քանի կետերի շուրջ:

Հայտնի է, որ մայիսի 21-ին եզրափակիչ փաստաթղթի եզրույթներից մեկի շուրջ վիճաբանություն էր ծագել, մասնավորապես՝ Հայաստանը և Բելառուսը դեմ էին արտահայտվել «Ղրիմի ապօրինի բռնակցում» եզրույթին և կարծում էին, որ այդպիսի արտահայտություն ընդհանրապես չպետք է լինի վերջնական փաստաթղթում:

Սակայն մայիսի 22-ին պարզվեց, որ որևէ առարկություն չկա, և այդ եզրույթը մնում է փաստաթղթում, որովհետև այն վերաբերում է ոչ թե Արևելյան գործընկերության երկրներին, այլ Եվրամիության անդամ երկրներին, իսկ քանի որ Հայաստանը Եվրամիության անդամ չէ, ապա որևէ ազդեցություն, որևէ առնչություն չի կարող ունենալ այդ եզրույթին: Այդ իմաստով, կարծես թե հնարավոր եղավ հարթել այդ տարաձայնությունը, ինչպես հայտարարեց Գերմանիայի կանցլեր Անգելա Մերկելը:

«Բարեբախտաբար, Ռիգայում բանակցությունները ներդաշնակ են ընթանում, և մենք կկարողանանք համաձայնել համատեղ հռչակագրի շուրջ, որտեղ հստակ պետք է լինի, որ բոլոր երկրների տարածքային ամբողջականությունը պետք է պաշտպանվի: Սա Արևելյան գործընկերության երկրների ընդհանուր դիրքորոշումն է», - ասաց Մերկելը:

Հետո հայտնի դարձավ, որ Ադրբեջանը առարկություններ ունի Լեռնային Ղարաբաղի վերաբերյալ եզրափակիչ փաստաթղթի ձևակերպումների առնչությամբ: Փաստաթղթի նախագծում նշվում է, որ ղարաբաղյան հակամարտությունը պետք է կարգավորվի խաղաղ ճանապարհով, որ Եվրամիությունը աջակցում է ղարաբաղյան հակամարտության կարգավորմանն ուղղված ԵԱՀԿ-ի Մինսկի խմբի ջանքերին՝ միջազգային իրավունքի և նորմերի հիման վրա: Միջազգային իրավունքի որևէ սկզբունք առանձնացված չէր փաստաթղթում՝ ոչ տարածքային ամբողջականության և ոչ էլ ինքնորոշման: Սակայն հետագայում կարծես թե հաջողվեց հարթել այս բոլոր տարաձայնությունները, և տեքստը՝ Լեռնային Ղարաբաղի հակամարտության կարգավորման վերաբերյալ, մնաց նույնը:

Արևելյան գործընկերության գագաթնաժողովին մասնակցող ամենաազդեցիկ ղեկավարներից մեկը, անկասկած, Անգելա Մերկելն է, որի ամեն մի մեկնաբանություն և խոսք մեծ ուշադրությամբ է լսվում այստեղ:

Հայաստանի նախագահը շուրջ կես ժամ հանդիպում ունեցավ Անգելա Մերկելի հետ: Նրանք քննարկել են հայ - գերմանական միջպետական հարաբերությունները, գոհունակությամբ արձանագրել, որ վերջին շրջանում նշանակալիորեն ընդլայնվել և հարստացել է հայ - գերմանական համագործակցության օրակարգը, որն ամրապնդվել է շուրջ 6 տասնյակ համաձայնագրերով:
Հանդիպման ընթացքում նախագահը երախտագիտություն է հայտնել Գերմանիայի կառավարության կողմից Հայաստանին ցուցաբերվող շարունակական աջակցության համար:

Ռիգա գալուց առաջ, ի դեպ, կանցլեր Մերկելն ասել էր, թե Ուկրաինան և Վրաստանը առայժմ պատրաստ չեն Եվրամիության հետ առանց վիզայի ճամփորդելու հնարավորություն ստանալու համար, առավել պատրաստ Վրաստանն է, իսկ Մոլդովան արդեն ստացել է այդպիսի հնարավորություն:

«Արևելյան գործընկերությունը Եվրամիության ընդարձակման գործիք չէ, այն ավելի շուտ գործիք է Եվրամիությանը մոտենալու համար՝ ահա այս հիմքի վրա ենք մենք վարելու բանակցությունները», - Գերմանիայի կանցլերի այս հայտարարությունը մի փոքր հիասթափություն էր առաջացրել հատկապես վրացիների և ուկրաինացիների մոտ:

Սակայն հետո Եվրամիության մի շարք ղեկավարներ հայտարարեցին, թե Արևելյան գործընկերության այն երկրները, որոնք ուզում են միանալ Եվրամիությանը, պետք է այդպիսի ձգտման հնարավորություն ունենան, ամեն երկիր ինքն է որոշում, թե որքան է ցանկանում մոտենալ, մերձենալ Եվրամիությանը, որքան սերտ հարաբերություններ է ուզում հաստատել Բրյուսելի հետ:
ՀՐԱՊԱՐԱԿՈՒՄՆԵՐ
1818 reads | 23.05.2015
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com