добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ԿՅԱՆՔԻ ԾԱՂԻԿԸ՝ ԽՈՐՀՐԴԱՆԻՇ, ԲԱՐԵԳՈՐԾՈՒԹՅԱՆ ԵՎ ԲԻԶՆԵՍԻ ՄԻՋՈՑ
Հայոց ցեղասպանության 100-ամյակի խորհրդանիշ անմոռուկ ծաղիկը բազմաթիվ կազմակերպություններ օգտագործում են բիզնես նպատակներով, պատրաստում ու վաճառում են՝ փող աշխատելու համար, ինչը հակասում է Հայաստանի օրենսդրությանը, քանի որ անմոռուկի հեղինակային և օգտագործման բացառիկ իրավունքները պատկանում են 100-րդ տարելիցի միջոցառումները համակարգող հանձնաժողովին:

Կյանքի ծաղիկը որպես խորհրդանիշ ժամանակին տարբեր առիթներով օգտագործել են հրեաները, մորմոնները, գերմանացիները, ռուսները: Հայոց ցեղասպանության 100-ամյակի խորհրդանիշը այսօր օգտագործվում է ոչ միայն Հայաստանի պետական գերատեսչությունների, այլև բազմաթիվ անհատների ու կազմակերպությունների նախաձեռնություններում՝ հիվանդանոցների զեղչային ակցիաներից մինչև տաքսիների ու ձեռքի աշխատանքների գովազդ: 100-րդ տարելիցի միջոցառումները համակարգող հանձնաժողովը պահանջում է հարգել հեղինակային իրավունքը և անմոռուկը չդարձնել փող աշխատելու միջոց:

Անմոռուկի նշանով բիզնես անելու համար է պետք է նախապես հայտ ներկայացնել և ստանալ թույլտվություն: Անբարոյականություն է ցեղասպանության զոհերի հիշատակը շահարկելով՝ փող աշխատել, շեշտում է պետության հիմնած կառույցը: Ինչպե՞ս համակարգել անմոռուկի կիրառումը, չգիտեն նույնիսկ դրա հեղինակներն ու համակարգող հանձնաժողովը: Հետևաբար 100-ամյակի խորհրդանիշի կիրառման տեղերն ու ձևերը մնում են դրանք կիրառողների խղճին ու մարդկային որակին:

Քրիստինա Հարությունյանի նախաձեռնությամբ ստեղծված «Կյանքի ծաղիկ» ծրագիրը խորհրդանշական գնով վաճառում է վիրտուալ անմոռուկներ՝ փողն առանց միջնորդի փոխանցելով «Արագիլ» վերարտադրողական բժշկության հիմնադրամին: Դա վերարտադրողական խնդիրներ ունեցող ընտանիքներին օգնելու ծրագիր է, որի շնորհիվ 6000 ընտանիքներում կլսվի մանկան ճիչը:
«Կյանքի ծաղիկ» նախագծի հեղինակները շեշտում են՝ ցեղասպանության զոհերի հիշատակը հարգելու լավագույն ձևը սերնդի շարունակությունն է ու նոր ծնվող հարյուր-հազարավոր երեխաները: 100-ամյակի խորհրդանիշ անմոռուկն էլ նույն իմաստն ունի: 

Ծաղիկը երիզող սև գույնը խորհրդանշում է եղեռնի սարսափն ու ցեղասպանության մասին հիշողությունը:

Ներսի ճառագայթաձև բաց մանուշակագույնը Ցեղասպանության դատապարտմանն ու ճանաչմանը մասնակից լինելն է:
Գերակշռող մանուշակագույնը տարածված է հայկական ինքնագիտակցության հիմքում, իսկ մեջտեղի դեղինը պատկերում է արևի լույսը, որն ապրելու և արարելու հույս է տալիս:

Անմոռուկ ծաղկի մասին գերմանական լեգենդն ասում է՝ երբ Աստված անուններ ու գույներ տվեց ծաղիկներին, տրորված մի ծաղիկ շշնջաց. «Ինձ մի մոռացիր, Տեր», և Արարիչն իր մոտ մնացած մանուշակագույնով ներկեց ծաղիկը՝ նրան տալով անմոռուկ անվանումը՝ որպես հավերժ հիշողության խորհրդանիշ:

Արուսյակ Հոխիկյան
ՑԵՂԱՍՊԱՆՈՒԹՅՈՒՆ-100
7413 reads | 13.03.2015
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com