добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ՄԱՐԴՈՒՆ ՃԱՆԱՉՈՒՄ ԵՆ ԻՐ ԿԱՏԱՐԱԾ ԳՈՐԾԵՐՈՎ. ԲԱՐՈՒՅՐ ՋԱՄԲԱԶՅԱՆ
Հարցազրույց «Դիակոնիա» բարեգործական հիմանդրամի նախագահ Բարույր Ջամբազյանի հետ

Ո՞վ եք մասնագիտությամբ:

-Մասնագիտությամբ հոգեբան եմ: Սովորել եմ Մյունստերի (Գերմանիա) համալսարանում, այնուհետև ուսումս շարունակել եմ Զիգենի համալսարանում: Դիպլոմային աշխատանքս գրելու նպատակով 1998-ին եկա և որոշեցի վերջնականապես տեղափոխվել Հայաստան: 1999 թվականից սկսեցի աշխատել «Հայ Օգնության Կենտրոն» բարեգործական կազմակերպությունում, որը հիմնադրել էր հայրս ՝ Հակոբ Զամբազյանը: Այն հետագայում և անվանափոխվեց՝ դառնալով «Դիակոնիա» բարեգործական հիմնադրամ:

Մանկության տարիներից ի՞նչ հիշողություններ ունեք, որոնք կապված են մարդկանց օգնելու հետ:

-Բեյրութի հայկական համայնքում մեծանալով, Գևորգյան ու Ջամբազյան ընտանիքների անդամ լինելով` օգնելու հետ կապված հիշողություններս գալիս են դեռ վաղ մանկությունից: Պապիկս հայտնի կահույքագործ էր: Մեր տանն ամեն օր որևէ մեկին օգնելու հարցեր էր քննարկվում: Տատիկս ընթրիք էր պատրաստում մեր տանը գիշերող ուսանողների համար, պապիկս օգնում էր Հայրենիք վերադառնալ այն մարդկանց, որոնք չունեին դրա միջոցները: Հետագայում հայրս արդեն Գերմանիայից էր օգնություն կազմակերպում Բեյրութի հայկական համայնքի համար: Այդ ժամանակ դպրոցական էի, ու մենք բեյրութահայերին օգնել ցանկացողների համար բացիկներ էինք նկարազարդում, ծալում... հարյուրավոր բացիկեր: Այդ ժամանակ տպարաններից չէինք օգտվում, ամեն բան ձեռքով էր արվում ու հենց մեր տանը:

Ընտանեկան ի՞նչ արժեքներ են Ձեզ փոխանցել ծնողները:

-Իմ ընտանիքում բոլորը խիստ պահպանողական ու աստվածավախ մարդիկ էին: Հիմնական արժեքը հավատն էր ու հայրենասիրությունը: Այս երկուսի վրա էր աշխատանք տարվում, իսկ մնացածը տեսնում էինք ու ընկալում:

Ի՞նչ է Ձեզ համար ընտանիքը:

-Ընտանիքն ինձ համար Աստծուց հետո միակ բացարձակ արժեքն է, անփոխարինելի, որևէ քննարկման չենթարկվող: Ընտանիքս իմ հենարանն է. ընտանիքից եմ ստանում ուժ, ջերմություն ու ամենակարևորը՝ անսահման սեր:

Կա՞ն քայլեր , որոնց երբեք չեք գնա հանուն շահի, անունի:

-Դավաճանության չեմ գնա, չեմ դավաճանի հայրենիքս, ընտանիքիս և ինքս ինձ:

Որտե՞ղ են մեծանում Ձեր զավակները:

-Տղաս` Մենուան, ծնվել է Շվեյցարիայում, աղջիկս` Մարին, Գերմանիայում: Հիմա նրանք երկուսն էլ մեծանում են իրենց հայրենիքում` Հայաստանում:

Ինչպե՞ս կբնութագրեք հային:

-Աշխատասեր, անպարտելի, աստվածավախ: Ես չեմ ընդունում հայի մասին որևէ բացասական արտահայտություն: Եզակի դեպքերը չեն կարող մարդու հայ տեսակը բնորոշող լինել:

Ի՞նչ է Ձեզ համար կարիքը:

-Ինքս ապրել եմ կարիքի մեջ: Մարդու արժեքի հետ կապ չունեցող մի երևույթ է կարիքը, բայց կարիքը միայն վիճակ է, որից մարդը փորձում է դուրս գալ: Հոգով կարիքավոր լինելն ավելի լուրջ խնդիր է:

Ինչի՞ց է սկսվում բարեգործությունը:

-Բարեգործությունը սրտի դիրք է, սկսվում է ներքուստ ու կապ չունի արվածի չափի հետ:

Ի՞նչ սկզբունքով եք ընտրում Ձեր հիմնադրամի շահառուներին:

-Հիմնադրամն ունի չափորոշիչներ, որոնք մշակվել են ամբողջ թիմի կողմից: Մարդը, որն ունի տեսանելի խնդիր, կարող է դառնալ հիմնադրամի շահառու, սակայն ամեն մի դեպք ենթարկվում է մանրամասն քննարկման:

Հետևո՞ւմ եք Ձեր շահառուների հետագա ճակատագրին:

-Ինչքան որ հնարավոր է, ժամանակի ու տարածության առումներով նաև: Դա նաև շահառուի ցանկությունից է կախված: Շատերն ապրում են Հայաստանից դուրս, բայց հիմնականում մեծ մասի ճակատագրին տեղյակ ենք: Ունենք շահառուներ, որոնք այժմ մեր թիմի անդամներն են:

Հոգեբանական աջակցություն ցուցաբերո՞ւմ եք շահառուներին:

-Հոգեբանական ծառայությունները դեռ վերաձևավորման մեջ են, բայց ասեմ, որ հիմնադրամի ամեն մի աշխատակից տանում է նաև հեգեբանի աշխատանք. մարդկանց այցելելը, նրանց խնդիրներին տեղեկանալն ու աջակցությունն արդյունավետ կազմակերպելն արդեն լուրջ աշխատանք եմ համարում:

Որտե՞ղ եք պատկերացնում Ձեր զավակների ապագան:

-Անխոս` միայն Հայաստանում, բայց նրանց կամքին չեմ բռնանա:

Ձեզ պատկերացնո՞ւմ եք քաղաքական դաշտում:

-Միանշանակ` ոչ: Ամեն մարդ իր գործը պետք է անի:

Համագործակցության ի՞նչ ծրագրեր եք նախատեսել առաջիկայում:

-Հուսամ, որ մեր ընկերների շարքերը կհամալրվեն: Նախատեսված են հանդիպումներ Միացյալ Նահանգներում, Կանադայում ու Անգլիայում: Չեմ ուզում ժամանակից շուտ դրանց մասին խոսել: Պետք է շարունակել ու զարգացնել համագործակցության հաստատված ծրագրերը ՀՀ և ԼՂՀ կառավարությունների հետ:

Զրուցեց Ռուզաննա Ղազարյանը
ՌՈՒԶԱՆՆԱ ՂԱԶԱՐՅԱՆ
4100 reads | 16.03.2017
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com