добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ԹՈՒՐՔԻԱՆ ԻՄՊՈՏԵՆՏ Է. ԴԱՎՈՒԹՕՂԼՈՒԻ ԽՈՍՏՈՎԱՆՈՒԹՅՈՒՆԸ ԵՎ ԱԳ ՆԱԽԱՐԱՐՆԵՐԻ ՀԱՆԴԻՊՄԱՆ ՍՊԱՍԵԼԻՔՆԵՐԸ
ՆԱԻՐԻ ՀՈԽԻԿՅԱՆ
Լրագրող, տարածաշրջանային և միջէթնիկ հակամարտություններ, ԵՐԵՎԱՆ






Սեպտեմբերի 24-ին Նյու Յորքում տեղի կունենա Հայաստանի և Ադրբեջանի արտգործնախարարների հանդիպում՝ քննարկելու արցախյան հակամարտության խնդիրը և նախապատրաստելու երկու երկրների նախագահների առաջիկա հանդիպումը: Այդ մասին հայտարարությամբ են հանդես եկել ոչ միայն նախարարները, այլև ԵԱՀԿ Մինսկի խմբի համանախագահները:

Հայ և ադրբեջանցի արտգործնախարարները կմասնակցեն ՄԱԿ-ի գլխավոր Ասամբլեայի 70-րդ նստաշրջանի աշխատանքներին, կհանդիպեն եվրոպացի իրենց գործընկերների ու ԵԱՀԿ ՄԽ համանախագահների հետ, ինչին կհաջորդի երկկողմ, ապա բազմակողմ բանակցությունը: Ադրբեջանի արտաքին քաղաքական գերատեսչության ղեկավար Էլմար Մամեդյարովը մեծ հույսեր չի կապում ոչ միայն այս հանդիպման, այլև Արևմուտքի քաղաքական ու դիվանագիտական գործիչների հետ:

«Ադրբեջանում սպասվող ընտրությանը հետևելու համար ԵԱՀԿ-ն որոշել է 400 կարճաժամկետ եւ երկարաժամկետ դիտորդ ուղարկել 9.5 մլն բնակչություն ունեցող Ադրբեջան այն դեպքում, երբ ավելի քան 100 մլն բնակչություն ունեցող երկրների համար այդ կառույցը նույնպես ուղարկում է 400-500 դիտորդ։ Դա դուրս է նորմալ տրամաբանությունից, և ես կբողոքեմ մեր նկատմամբ միջազգային կազմակերպությունների ցուցաբերած սուբյեկտիվ վերաբերմունքից»,-մասնավորապես ասել է ադրբեջանցի պաշտոնյան:

Նոյեմբերի 1-ին Ադրբեջանում սպասվող խորհրդարանի ընտրության շեմին հայ-ադրբեջանական հակամարտության ակտիվ քննարկումները անթաքույց ադրբեջանական իշխանության սրտով չեն: Նրանք ձեռնտու կլինի, եթե բանակցությունը շարունակի մնալ անպտուղ, նույնիսկ սահմանային բախումների ֆոնին լրացուցիչ ընտրազանգված շահելու հնարավորություն է ալիևյան կլանի համար, եթե անգամ դա մի քանի տասնյակ ադրբեջանցի զինվորի կյանք արժենա: Նախագահների տարեվերջյան հանդիպման ընդառաջ նախարարների այս հանդիպումը, սակայն, համընկնում է գերտերությունների որոշ նախաձեռնությունների հետ:

Ադրբեջանը, «Մոդուս վիվենդի» կենտրոնի տնօրեն, դիվանագետ Արա Պապյանի խոսքով, ոգևորված է ռուս-թուրքական սիրահետումների նոր դրսևորումներից, մանավանդ որ Արևմուտքը փորձում է մեկուսացնել թե Ռուսաստանին, թե Թուրքիային: Այս համատեքստում ադրբեջանցիներին հույս է տալիս թուրքերի աջակցությունը, սակայն նավթի ադրբեջանական պաշարների անկումը, Թուրքիայի ներքին անկայությունը և Արևմուտքի հետ լարվածությունը դժվար թե հետաքրքրություն առաջացնեն ռուսների կամ ամերիկաեվրոպական տանդեմի համար: Հետևաբար Նյու-Յորքում սպասվող դիվանագիտական ու նախագահական հանդիպումները կլինեն ամուլ, ինչպես վերջին 20 տարվա ընթացքում գրեթե ամեն անգամ:

ԵԱՀԿ ՄԽ ամերիկացի համանախագահ Ջեմյս Ուորլիկը վստահ է, որ արտգործնախարարները կկարողանան արդյունավետ բանակցություն վարել, Թուրքիայի վարչապետ Ահմեդ Դավութօղլուն խոստովանել է, որ քրդական կուսակցության հետ ձևավորած ժամանակավոր կառավարության ձախողումից հետո այդ երկիրը դարձել է արտաքին քաղաքականություն վարելու համար իմպոտենտ, իսկ ռուսներն ու ամերիկացիները բանակցություն են վարում՝ համատեղ ուժերով միջազգային ահաբեկության ու «Իսլամական պետության» դեմ պայքարելու համար: Փոքր պետություններից ո՞ր մեկը կօգտվի համաշխարհային խաղացողների գործակցությունից և ո՞ր մեկը կդառնա մանրադրամ, կախված է նավթադոլարների ու ռազմավարական դաշնակիցների ծանրությունից:
ՆԱԻՐԻ ՀՈԽԻԿՅԱՆ
1899 reads | 23.09.2015
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com