ՊԵՏԱԿԱՆ ՄՏԱԾՈՂՈՒԹՅԱՆ ՀԱՂԹԱՆԱԿԸ
 ԴԵՐԵՆԻԿ ՄԵԼԻՔԵԱՆԻրանի «Ալիք» օրաթերթի գլխավոր խմբագիր, ԻՐԱՆ  Իրանի նախագահ Ռոհանիի նախընտրական կարելի է ասել գլխավոր ու առանցքային խոստում-ծրագիրը՝ ապաշրջափակված ու ապամեկուսացված Իրանը 2016թ. հունվարի 17-ին լիարժեք իրականություն դարձավ:ՄԱԳԱՏԷ-ի, ՄԱԿ-ի Անվտանգության խորհրդի, Եվրամիության ու ԱՄՆ-ի սանկցիաների եզրագիծն հատած Զարիֆ - Մոգերինի հայտարարության օրը՝ 2016 թ հունւարի 17-ը, իրավամբ բնութագրելի է որպես պատմական: Միջուկային խաղաղասիրական Իրանի համբերատար, բայց հարատեւ դիվանագիտության հաղթանակը, անշուշտ վիթխարի ճիգ ու ջանք և ծանրագույն գին պահանջեց թէ ներքին, եւ թէ հատկապես արտաքին քաղաքական բեմահարթակում: Իսկ այդ բոլորին դիմագրավելու եւ հաղթականորեն հանգուցալուծելու գրավականը ոչ այլ ինչ է, եթե ոչ պետական համընդհանուր մտածողության ու դրա հիմքում ամրագրված՝ 2500-ամյա պետականության անկասելիորեն պահպանման երաշխիքը:  Երաշխիք, որի առջեւ ներքին անցողիկ իշխանական, խմբակցային, աջակողմյան թե ձախակողմյան, բարեկարգչական, թե պահպանողական հոսանքների մտամարզանքերն ու մրցակցությունները մշտապես զիջել ու նահանջել են:Միևնույն օրինաչափությամբ արտաքին ճակատում, 37-ամյա իշխանական նոր համակարգ նվաճած Իրանին մեկուսացնելու միտող տարածաշրջանի նավթային, թե ռազմա-քաղաքական ու տնտեսական արհեստականորեն ուռճացված գաճաճ ու խրտվիլակ երկրների դերակատարությունները սասանվելու մեծ ռիսկեր են պարունակում: Եվ զարմանալի չէ Սաուդական Արաբիայի, Թուրքիայի, Իսրայելի եւ մյուս՝ մանր-մունր արբանյակների հակաիրան ջղաձիգ ու անթաքույց կեցվածքները՝ միջուկային հիմնախնդրի բարվոք լուծման հաշվին, քանզի քաջ գիտակցում են, որ տարածաշրջանի ավելի քան 30-ամյա վակուումը չարաշահելու իրենց ձախորդ միտումները հօդս են ցնդելու հզոր, խաղաղասեր և հատկապես հաղթական Իրանի վերադարձով: | |
| ԴԵՐԵՆԻԿ ՄԵԼԻՔԵԱՆ | |
| 1806 reads | 17.01.2016
| |
