добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ՖՐԱՆՍԻԱՅԻ ՆԱԽԱԳԱՀ ՀՈԼԱՆԴԻ ՍԻՐԱՅԻՆ ՔԱՋԱԳՈՐԾՈՒԹՅՈՒՆՆԵՐԸ
ԱՐՄԱՆ ՆԱՎԱՍԱՐԴՅԱՆ
Արտակարգ և լիազոր դեսպան





Դրամատիզմով և մարդկային ողբերգություններով շաղախված իրադարձություններից հոգնած մարդիկ, երբ հանկարծ տեղեկանում են աշխարհի ուժեղների մոլորության, մարդկային թուլության այս կամ այն դրսևորմանը, սովորաբար ներողամտորեն ժպտում են և ներքուստ գոհունակություն ապրում, որ բոլորն իրար նման են, և ինչ-որ մի տեղ մարդը մնում է մարդ` լինի թագավոր, թե հասարակ մահկանացու:

Խոսքը վերաբերում է ֆրանսիայի նախագահ Ֆրանսուա Հոլանդի ադյուլտերին` ամուսնական դավաճանությանը, որը մի տեսակ ամանորյա նվեր եղավ ֆրանսիացիներին` ներդաշնակ նրանց ազգային գենետիկական հումորին, դարձավ բազմաթիվ անեկդոտների, սրախոսությունների և կոմիքսների թեմա:

Եվրոպական ուզած երկրի և Միացյալ Նահանգների լիդերի համար կատարվածը կնշանակեր քաղաքական մահ: Մինչդեռ 59-ամյա Հոլանդի սիրային կապը 41 տարեկան հայտնի դերասանուհի Ժյուլի Գայեի հետ, որքան էլ զարմանալի է, երկու տոկոսով բարձրացրեց նախագահի վարկանիշը, որն ամենացածրն է երկրի պատմության մեջ`26 %:

Հոլանդի մեջ խարիզմի բացակայությունը, երկրի տնտեսական ճգնաժամը, մակրոէկոնոմիկական թույլ ցուցանիշները, գործազրկությունը, ժողովրդագրության հավասարակշռության խախտումը` ի հաշիվ ներգաղթի,-այս ամենը, իսպառ վերացրել են համակրանքը նախագահի նկատմամբ:

Արդ, սկանդալի կապակցությամբ, ֆրանսիացիները սրախոսում են, թե լավ է նա ընդունակ գտնվեց գոնե մի բանի` կնոջը դավաճանելու և սիրուհի պահելու:

Իսկ Հոլանդի քաղաքացիական կինը` լրագրող Վալերի Թրիերվեյլերը նյարդերի տագնապով ընկավ հիվանդանոց, որտեղից արեց պաշտոնական հայտարարություն, թե ներում է ամուսնուն և նրանից չի բաժանվելու: Ըստ երևույթին, կողակցին ներելն ավելի հեշտ է քան Ելիսեյան պալատից բաժանվելը:

Ի դեպ, նույն կերպ են վարվել անխտիր բոլոր նախագահների և պրեմիեր- մինիստրների կանայք, որոնք ‹‹հանկարծ›› իմացել են, որ ամուսինները դավաճանել են իրենց:

Ես պատահական չակերտների մեջ չառա հանկարծ բառը: Ապացուցված է, որ անհնար է կնոջը խաբել, և եթե կինը չի ‹‹բռնում›› ամուսնու դավաճանությունը, ապա միայն այն պատճառով, որ չի ուզում ընտանիքը քայքայել և մինչև վերջին պահը հույսը չի կորցնում, որ ‹‹մոլորյալ ոչխարը›› վերջիվերջո վերադառնալու է:

Իսկ լիդերների կանայք ամուսիններից բաժանվելու դեպքում բացի ընտանիքից կարող են կորցնել իշխանություն, հարստություն, փառք, որը շատ դժվար բան է:

Համենայն դեպս, ամուսիններին ներել և նրանցից չեն հեռացել Լենինի, Ջոն Քենեդիի, Բիլ Քլինթոնի, Բարաք Օբամայի կանայք, իսկ Սիլվիո Բեռլուսկոնիի կինը, որն ամբողջ կյանքում աչք է փակել ամուսնու բազմաթիվ դավաճանությունների վրա, անմիջապես հեռացավ նրանից, երբ վերջինս թողեց պաշտոնը:

Գալով ֆրանսիացիներին, նրանք ավելի ներողամիտ են իրենց առաջնորդների թուլությունների նկատմամբ, քան այլ ազգերի ներկայացուցիչները: Սա էթնոհոգեբանական հատկանիշ է: Եվ եթե Հոլանդի ադյուլտերը նրանք դարձրել են ծաղրի ու հումորի առարկա, ապա, հակառակը, լրջորեն են վերաբերվել Ֆրանսու Միտերանի երկու կին ունենալուն, որը ոչ-ոքի համար գաղտնիք չի եղել:

Եվ այսպես, քաղաքական կյանքի ամեն քայլափոխում գործում է կրկնակի ստանդարտ: ‹‹Այն, ինչ թույլատրվում է Յուպիտերին, չի թույլատրվում ցուլին››, (‹‹Quod licet lovi, non licet bovi››):
ԲԱՑԱՀԱՅՏՈՒՄՆԵՐ
1773 reads | 17.01.2014
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com