добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ԹԵ ԻՆՉՊԵՍ ԷԻՆ ՍՏԱԼԻՆԻ ՄԱՀԱՊԱՐՏ ՇՆԵՐԸ ԿՌՎՈՒՄ ՆԱՑԻՍՏՆԵՐԻ ԴԵՄ
Մարդասպան շների ծառայություններից խորհրդային բանակը սկսել է օգտվել դեռևս Երկրորդ Համաշխարհային Պատերազմից:

Խորհրդային Կարմիր բանակի կինոլոգները «Կամիկաձե» (մահապարտ) շների հետ հատուկ զորավարժություններ անցկացնելուց հետո զինում էին նրանց ռումբերով, նշանակետ էին բռնում նացիստական տանկերի վրա ու ուղարկում դեպի թիրախակետ:

Ռազմական փորձագետ Յուրի Վերեմեևը DailyMail պարբերականին տված հարցազրույցում ասում է. «Կարմիր բանակին արդեն վաղուց հայտնի էր կամիկաձեի ընդունակությունը: Վարժեցված շները պատերազմի դաշտում այնպիսի առաջադրանքներ էին կատարում, ինչպիսիք են վիրավոր զինվորին օգնելը, հաղորդագրություններ տանել-բերելը, առաջին գիծ սնունդ ու զինամթերք մատակարարելը: Հետագայում առաջարկ եղավ նաև ներգրավել նրանց ականներ տեղափոխելու գործողության մեջ՝ այսկերպ դարձնելով նրանց հատուկ գործակալներ»:

Կամիկաձեի վարժեցման տեսությունը պարզ էր. շունը ռումբը հասցնում է թիրախակետ, տեղադրում է օբյեկտի մոտ, ատամներով բացում է փականն ու փախչում: Պատահում էր՝ ռումբը պայթեցնում էին հեռակառավարման վահանակի օգնությամբ (ամենայն հավանակությամբ, շան հեռանալուց հետո գործի էր անցնում դիպուկահարը): 

Սակայն լինում էին դեպքեր, երբ պատերազմի թեժ պահին տանկերի կամ գրոհայինների ձայներից վախեցած կենդանին չէր կարողանում ազատվել իր վրա տեղադրված ռումբից և հենց ինքն էր թիրախ դառնում: Շատ հաճախ էլ շունը խուճապի էր մատնվում ու հետ վազում տիրոջ մոտ:

Նման ձախողումներից խուսափելու համար խորհրդային բանակը շուտով անցավ «պլան բ-ին»: Պարզվեց, որ շանը սոված պահելն արդյունավետ է թշնամու տանկերը վնասազերծելու գործում: Մի քանի օր սոված պահելուց հետո զինվորները շան կերը տեղադրում էին տանկի տակ՝ շղթայական անիվների մոտ, որը նրա ամենախոցելի հատվածն է, և արձակում էին շանը: Այսկերպ շունն ընտելացավ պատերազմական ձայներին, և նույնիսկ հասկացավ, որ սա միակ տեղն է, որտեղ կարող է կեր գտնել:

«Նախնական փորձարկումների ժամանակ, շան վրա՝ հետևի մասում, ամրացնում էին փայտե թամբ, որից կախված կտավե տոպրակներում տեղադրում էին ականները: Տոպրակները բաղկացած էին 2-ական պայուսակներից՝ յուրաքանչյուրը 6կգ TNT պայթուցիկ նյութով: Կար նաև հատուկ փական (սովորաբար կիրառում են օդապարիկը բացելու համար), որը շունը ատամներով քաշելով՝ ազատվում էր իր բեռից», - ասում է Վերեմեևը:

Ըստ պաշտոնական տվյալների՝ Խորհրդային բանակում ծառայողական շների դպրոցը գործում էր 1935 թվականից: 1938-ին նրանք մասնակցեցին Կարմիր հրապարակում կազմակերպված զինվորական շքերթին, իսկ արդեն 1941-ին Ստալինը շփման գիծ ուղարկեց ծառայողական առաջին 30 շներից բաղկացած խումբը իրենց 40 կինոլոգների հետ միասին: Նրանց նպատակն էր շների միջոցով ոչնչացնել թշնամու զինամթերքի պաշարը, վառելիքի պահեստն ու այլ օբյեկտներ:

Բայց գերմանացիներից երկար ժամանակ չպահանջվեց կամիկաձեների հետ հաշվեհարդար տեսնելու համար: Նացիստները շուտով նույնիսկ քարոզչական ուղերձներ սկսեցին տարածել, իբրև թե «Ստալինը պատերազմի դաշտ զինվորների փոխարեն շուն է ուղարկում»: 

Ինչևէ, պատմական փաստերը վկայում են, որ միայն Կուրսկի ճակատամարտում ծառայողական 16 շուն պայթեցրել է 12 գերմանական տանկ:
ԲԱՑԱՀԱՅՏՈՒՄՆԵՐ
1859 reads | 24.12.2013
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com