добавить материал CONTACTS
Զուգահեռներ հայ և հրեա ժողովուրդների միջև ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ 18-րդ դարի ռուս նշանավոր դիվանագետները Հատուկ ծառայությունները սահմանադրական ժողովրդավարության կայացման պայմաններում (ՌԴ օրինակով)
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
Ի՞ՆՉ Է ՍԱՐՍԱՆԳԻ ՋՐԱՄԲԱՐԸ ԵՎ Ի՞ՆՉ ԿԼԻՆԻ ՆՐԱ ՃԱԿԱՏԱԳԻՐԸ. ՀԱՅԱՑՔ ԼՂՀ-ԻՑ
ՆԱԻՐԻ ՀՈԽԻԿՅԱՆ
Լրագրող, տարածաշրջանային և միջէթնիկ հակամարտություններ, ԵՐԵՎԱՆ





Եվրոպայի Խորհրդի Խորհրդարանական վեհաժողովը քննարկման է դրել Ադրբեջանի ներկայացրած հերթական հակահայկական բանաձևը, որը վերաբերում է ԼՂՀ Սարսանգի ջրամբարի օգտագործմանը: Ադրբեջանցիները պահանջում են, որ Սարսանգի ջրից օգտվելու հնարավորություն ունենան նաև իրենք, մինչդեռ, ըստ բանաձևի, հայկական կողմը միտումնավոր փակում է ջրամբարի՝ Ադրբեջան գնացող ուղիները՝ դրանք բացելով միայն ձմռանը՝ ստեղծելով հեղեղի վտանգ: Պարզաբանումներ ստանալու համար դիմեցինք պաշտոնական Ստեփանակերտին՝ փորձելով նաև հասկանալ, թե ինչու եվրոպական կազմակերպությունը որոշեց հենց հիմա արձագանքել մի նախաձեռնության, որը կոշտ ձևով մերժել էր մեկ տարի առաջ:

Արցախի Մարտակերտի շրջանում Սարսանգի ջրամբարը կառուցվել է 1976-ին: 130մ հողե պատվար ունեցող հսկա այս ջրամբարում կա ավելի քան 600մլն խմ ջուր, որը սովետական տարիներին նախատեսված էր հիմնականում ադրբեջանաբնակ տարածքների ոռոգման համար, իսկ անկախության հռչակումից հետո ԼՂՀ-ն Սարսանգի ջուրն օգտագործում է ոչ միայն ոռոգման, այլև էներգետիկ նպատակներով:

ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը հայկական երկու պետությունների համար անփոխարինելի գործոն է համարում ջրային անվտանգությունը: Ջուրը մեր հիմնական հարստություններից մեկն է, որը անհրաժեշտության դեպքում կարող ենք օգտագործել նաև այլ պետությունների հետ հարաբերություններում ռազմավարական նպատակներով: Հավանաբար նույն մտայնությամբ Ադրբեջանն այս տարի առաջին փորձն արեց՝ ԵԽԽՎ-ում առաջ քաշելու հակահայկական բանաձև՝ կապված հենց Սարսանգի ջրամբարի հետ: Եթե նախորդ տարիներին, այդ թվում 2013-ի աշնանը նույն կառույցը կոշտ արձագանքներով մերժել էր ադրբեջանցիների նախաձեռնությունը, ապա այս անգամ ոչ միայն որոշեց քննարկման դնել այն, այլև եվրոպական տարբեր երկրների պատգամավորներ ստորագրեցին դրա ընդունման օգտին:

Դավիթ Բաբայանը հեռախոսազրույցում նշեց. «Սա էլ է մի օրինակ, որը մենք պիտի հասկանանք: Օրինակ, միայն Արցախի Շահումյանի շրջանում՝ Քարվաճառում, սկիզբ են առնում Արփա և Որոտան գետերը, որոնք սնում են Սևանա լիճը: Նույն այդ տարածքից են սկիզբ առնում Թարթառ և Խաչեն խոշոր գետերը, և մենք տեսնում ենք, որ եթե հիմա ադրբեջանցիները վիրտուալ ձևով են իրենցը համարում Սարսանգի ջրամբարը և մեր դեմ այդպիսի պայքար տանում, ապա պատկերացնո՞ւմ եք, թե ինչ կլինի, եթե ստանա այդ տարածքների վրա վերահսկողություն: Դա կարող է իսկական աղետի պատճառ դառնալ»:

Արցախի նախագահի ներկայացուցիչը վստահ է՝ եթե նույնիսկ բանաձևն ընդունվի, ու եվրոպացիները մեր առաջ պահանջներ դնեն, ողբերգություն չի լինի: Նախ՝ պաշտոնական Ստեփանակերտը դեռևս 98-ին է Բաքվին առաջարկել համատեղ օգտագործել Սարսանգի ջուրը, հետո էլ հայկական երկրորդ հանրապետությունը ինքն է տնօրինում սեփական ջրային պաշարները. կարող է հարևաններին ջուր տալ կամ չտալ:

Կա վարկած, որ ԵԽԽՎ-ն նոր քաղաքական վարքագիծ է որդեգրում հայկական կողմի նկատմամբ՝ որպես պատասխան ուկրաինական ճգնաժամի առումով Հայաստանի ռուսամետ կեցվածքին: Օրեր առաջ, չնայած մեր պատգամավորները դեմ քվեարկեցին, բայց նույն ԵԽԽՎ-ում ռուսական պատվիրակությունը զրկվեց ձայնի իրավունքից և լքեց կառույցը. Թե հակահայկական բանաձևի քվեարկության ժամանակ ով կկանգնի մեր կողքին, դեռևս հայտնի չէ, մանավանդ որ այն քննարկման է դրվելու հաջորդ նստաշրջանում: Հայկական պատվիրակության պայքարի միջոցներն ու գործիքները առայժմ հստակեցված չեն, բայց կառույցը լքելու անհրաժեշտություն չի լինի: Եթե քնեցված բանաձևերը գործողության մեջ են դրվում հենց հիմա, ապա խաղի կանոնները ենթադրում են հակաքայլեր՝ այստեղ բանաձևերն ընդամենը խորհրդատվական բնույթ ունեն, բացի այդ, Արցախը ԵԽԽՎ անդամ չէ և չունի պաշտոնական որևէ կախվածություն Հայաստանի Հանրապետությունից:
ՏԱՐԱԾԱՇՐՋԱՆԱՅԻՆ ԵՎ ՄԻՋԷԹՆԻԿ ՀԱԿԱՄԱՐՏՈՒԹՅՈՒՆՆԵՐ
5732 reads | 17.04.2014
|
ComForm">
Войдите:
avatar

Copyright © 2025 Diplomat.am tel.: +37491206460, +37499409028 e-mail: diplomat.am@hotmail.com